સામે ચાલીને હવે ચર્ચા કરું છું

સામે ચાલીને હવે ચર્ચા કરું છું,
તારા પૂછ્યા વગરના સવાલનીમોસમ આવી છે કમાલની.....

સપનાનો સૂરજ જે આંખોમાં ઊગે,
એને દિવસે દેખાય રોજ તારા.

કોકવાર રૂબરૂમાં મલકી તું જાય,
ત્યારે ઉકલે અવસરનાં અણસારા.

દિવસ પણ ઊગવાનું યાદ રાખી
રોજ રોજ વાતો કરે છે આજકાલની.

જીવતરનો અર્થ પછી હોવું થઈ જાય,
એવે ટાણે સમજાઈ જાય તું,

ભીનપને લીલેરી લ્હેરખી ફૂટેને,
એવે ટાણે છલકાઈ જાય તું.

મુટ્ટીઓ સાચવીને રાખી મૂકી છે
મારા હૈયે ઊડેલા ગુલાલની.