Friday, September 11, 2009

સાથે રહ્યો છું તારી આ તેનો દમામ છે


સાથે રહ્યો છું તારી આ તેનો દમામ છે

આંસુ એ મારી આંખનો તકિયાકલામ છે -


મારી ગલીમાં રોજ એ ભૂલા પડ્યા કરે-,

શ્વાસોની આવજાવને દંડવત્ પ્રણામ છે.


પેલો સૂરજ તો સાંજ ટાણે આથમી જશે

આંખોમાં તારી ઊગશે એને સલામ છે.


પાંપણમાં ઊંઘ આંજીને ચાલ્યો જઇશ હું,

સપનામાં તારા આવીને મારે શું કામ છે ?


નક્કી જીવનના અંત સુધી નહીં કરી શકું,

હું શબ્દનો કે શબ્દ આ મારો ગુલામ છે !

7 comments:

  1. Sundar Gazal, hammesh mujab.
    Matla aapnaa Sanchalan maM sambhlyo hoy evu laage Chhe.
    Jay gurjari.
    Chetan framewala

    ReplyDelete
  2. ભાઈ અંકિત,
    એકે એક શેર માં અભિવ્યક્તિનો ચળકાટ છે... અદભુત! અન્ય કૃતિઓની જેમ આ પણ ખૂબ ગમી. અર્વાચીન ગુજરાતી ગઝલફલક પર એથી જ તો તમારો પ્રભાવ અનેરો છે! પ્રતિભાવમાં એક જોડકણુ બીડું છું.

    ભેગા કર હાથ તો પ્રણામ છે
    ઉઠાવ જો હાથ તો સલામ છે
    આંકે અશ્રુ જો એને 'બાબુલ'
    હાથની લકીર પણ કલામ છે.
    'બાબુલ’

    ReplyDelete
  3. આંસુ એ મારી આંખનો તકિયાકલામ છે -

    superb !!

    ReplyDelete
  4. પેલો સૂરજ તો સાંજ ટાણે આથમી જશે
    આંખોમાં તારી ઊગશે એને સલામ છે.

    salam Ankitbhai tamari kavitane

    Lata Hirani

    ReplyDelete
  5. અંકિતભાઇ, નવી કવિતા મુકો ત્યારે જાણ થાય એવી કોઇ વ્યવસ્થા કરશો ? રાહ જોઇશું..
    લતા હિરાણી

    ReplyDelete
  6. પાંપણમાં ઊંઘ આંજીને ચાલ્યો જઇશ હું,સપનામાં તારા આવીને મારે શું કામ છે ? નક્કી જીવનના અંત સુધી નહીં કરી શકું, હું શબ્દનો કે શબ્દ આ મારો ગુલામ છે ! -- shabono khel che aa shabdo...i m glad i m reading u. thnx

    ReplyDelete
  7. GAZAL SAMRAAT TAME TO KAMAL 6O!!!!!!!
    WELL DONE

    ReplyDelete